Неодамнешните изјави на американскиот претседател Доналд Трамп за Русија, вклучително и заканата од „строго дефинирани царини“ против Москва, се сериозни и бараат дополнителна анализа, изјави портпаролот на Кремљ, Дмитриј Песков.
Трамп вчера најави нови испораки на оружје за Украина и предупреди дека купувачите на рускиот извоз би можеле да се соочат со санкции доколку Русија не се согласи на мировен договор за Украина.
Песков рече дека Владимир Путин ќе ги коментира овие предлози само доколку смета дека е потребно.
Зборувајќи за новите испораки на оружје во Киев, Песков рече: „Одлуките што се носат во Вашингтон, во земјите од НАТО и директно во Брисел, Украина ги перцепира не како сигнал за мир, туку како сигнал за продолжување на војната“.
Песков повтори дека Русија е подготвена да продолжи со директните преговори со Украина и дека сè уште чека сигнал од Киев за тоа кога би можела да се одржи следната рунда мировни преговори.
