Составот на руската делегација во втората рунда преговори во Истанбул на 2 јуни ќе биде истиот како и претходниот пат, изјави денеска претставничката на Министерството за надворешни работи на Русија Марија Захарова.
Првиот состанок меѓу Москва и Киев беше одржан во Истанбул на 16 мај кога Русија ја претставуваа помошникот на претседателот Владимир Медински, заменик-министерот за надворешни работи Михаил Галузин, началникот на Главната дирекција за разузнавање на Генералштабот на руските вооружени сили Игор Костјуков и заменик-министерот за одбрана Александар Фомин.
„Истата руска делегација“, рече Захарова како одговор на прашање додека гостуваше во емисијата „60 минути“ на телевизискиот канал „Русија-1“, објави „РИА Новости“.
Министерот за надворешни работи Сергеј Лавров објави дека нова рунда разговори меѓу Русија и Украина ќе се одржи во понеделник, 2 јуни, во Истанбул.
На овие состаноци, рече тој, Москва ќе презентира меморандум за иден мировен договор, кој ги содржи сите аспекти за надминување на основните причини за конфликтот, пренесува „Танјуг“.
ИЗДВОЕНИ
Истрагата за трагедијата во Пулс се затвора со распрашани 400 сведоци и околу 250 повредени
Македонија ни милиметар, Бугарија ни сантиметар – евроинтеграциите под кочница
Македонските производи стануваат поевтини и поконкурентни на странските пазари
Бугарскиот Парламент со апсолутно мнозинство одобри нова резолуција за напредокот на Македонија кон ЕУ
