Инспекторите на Општина Аеродром изрекоа забрана за работа на два угостителски објекта.
– Инспекциските служби, по пријави од граѓаните , излегоа на терен и извршија инспекциски надзори. Констатирано е дека локалите не се придржувале до законските прописи, па затоа е донесена оваа санкција. Доколку не ги почитуваат законите и прописите за работа, ќе следуваат кривични пријави – најавија од Општина Аеродром.
Оттаму додаваат дека инспекциските служби продолжуваат со интензивните контроли на угостителските и на туристички објекти, особено во ноќните часови.
Притоа, апелираат до граѓаните доколку забележат неправилности во работењето на угостителските објекти, да пријават веднаш на [email protected].
