Забелешките на Венецијанската комисија влегуваат во законот за правична застапеност

Министерот за јавна администрација Горан Минчев на денешниот брифинг со новинари кажа дека во претстојниот период, посебна работна група ќе ги вградува забелешките што ги дала Венецијанската комисија во однос на предложениот закон за соодветна и правична застапеност.

– Добиеното мислење е позитивно, но има и забелешки. Експертската работна група што работела на него, по Нова година повторно ќе се состане за да ги вгради забелешките што се дадени. Потоа, така надополнетата верзија ќе се најде на владина седница и откако ќе го помине тој филтер, ќе оди во натамошна процедура – најави министерот околу ова законско решение, кое предизвикува различни реакции во јавноста.