Европската комисија неодамна објави дека издавањето дозвола за патување за влез во ЕУ ќе чини 20 евра, наместо планираните седум според регулативата за системот ЕТИАС, која вклучува издавање дозвола за патување за влез во ЕУ, a беше усвоена во 2018 година.

– Земајќи го предвид зголемувањето на инфлацијата од 2018 година, како и дополнителните оперативни трошоци поврзани, на пример, со новите технички функционалности на системот, таксата ќе се приспособи и ќе изнесува 20 евра по апликација, а ќе важи три години – неодамна објави Комисијата на ЕУ.

Системот ЕТИАС се очекува во втората половина на 2026 година, но пред него, во октомври 2025 година, ќе пристигне системот ЕЕС, кој вклучува различни правила. Системот за влез/излез (СВИ) е автоматизиран ИТ-систем за регистрација на државјани кои не се членки на ЕУ кои патуваат за краток престој, секојпат кога ја преминуваат границата.

„Краток престој“ значи престој до 90 дена во кој било период од 180 дена. Овој период се пресметува како единствен период за сите европски земји што го користат СВИ. Системот ќе се имплементира на граничните премини во следниве земји: Бугарија, Хрватска, Унгарија, Романија, Словенија, Грција, Австрија, Белгија, Чешка, Данска, Естонија, Финска, Франција, Германија, Исланд, Италија, Латвија, Лихтенштајн, Литванија, Луксембург, Малта, Холандија, Норвешка, Полска, Португалија, Словачка, Шпанија, Шведска, Швајцарија.

СВИ ќе работи со барање биометриски податоци како што се отпечатоци од прсти и фотографија на граничните премини, покрај вашиот пасош. При преминување на граница  првпат од воведувањето на СВИ, ќе треба да се остават личните податоци, а граничните службеници ќе ги скенираат отпечатоците од прсти (четири прсти) и ќе го фотографираат лицето. Овие информации ќе бидат евидентирани во дигитална датотека. Во пасошот (биометриски или небиометриски) нема да се стави печат.

ИЗДВОЕНИ

ПОВРЗАНИ ОБЈАВИПОВЕЌЕ ОД АВТОРОТ