Уште еден Македонец беше победник во балканското шоу “Ѕвездите на Гранд“ 

Неодамнешната убедлива победа на Никола Станишиќ во шоуто “Ѕвездите на Гранд“ ги подстакна сите да се сетат на уште една пејачка ѕвезда од Македонија кој имаше тријумф. И тоа во не така далечната 2017 година. Тоа е охриѓанецот Ристе Ристески.

Ристе беше избран за победник според гласовите од публиката. И почна со фантастична кариера, сними неколку нови песни, имаше добро исплатливи настапи ширум Србија. Па, направи пауза во времето на короната. Тоа го “пресече“. Сега, по долго време се огласи преку Инстаграм. И добро е што сите ги потсетува дека и пред неговиот колега Никола имаше Македонци победници во ова популарно шоу на пејачи-аматери, кои потоа стануваа ѕвезди.

Ристе, во овие топли летни денови ужива во саканиот Охрид, кој и да сака нема да може да го замени со Белград и тамошната Ада Циганлија омилено место за пливање на белграѓаните. Едноставно, од Охрид не му се заминува!  И ако многумина му ја предвидуваа блескавата кариера во Србија, Ристе во тоа не виде некое специјално задоволство.

За него, само дома си е дома. Во Охрид на Охридското Езеро каде е често на вода со веслата поради својот омилен спорт. И обожавателките на Ристе кои ги има уште во голем број, согласни се со тоа тој да остане во Охрид. Тој ништо, според кажувањата на девојките, нема изгубено од својата физичка убавина. Секогаш кога вака (разголен) ќе го здогледат, брегот на Езерото врие од девојките со огнените погледи кон Ристе. (Д.М.)  

 

ИЗДВОЕНИ

ПОВРЗАНИ ОБЈАВИПОВЕЌЕ ОД АВТОРОТ