Соединетите Американски Држави не ја поддржаа заедничката изјава на членовите на Советот за безбедност на Обединетите нации со која се осудуваат постапките на Русија во август 2008 година во Грузија, што е прв пат по 17 години САД да не учествуваат во слична заедничка позиција, објави весникот „Комерсант“.
Декларацијата ја потпишаа европските земји во Советот – Обединетото Кралство, Франција, Словенија, Данска и Грција, изразувајќи поддршка за „суверенитетот и територијалниот интегритет на Грузија во нејзините меѓународно признати граници“.
Потписниците го споредија присуството на руски трупи во Абхазија и Јужна Осетија со моменталната ситуација во Украина, објави ТАСС.
Рускиот претставник во ОН, Дмитриј Пољански, рече дека „оние кои се противат на процесот се заинтересирани да ја претворат Грузија во пион за своите геополитички интереси“.
Конфликтот избувна на 8 август 2008 година, кога Грузија ја нападна Јужна Осетија, по што Русија интервенираше за да ги одбрани граѓаните и своите мировници во регионот.
Повеќе од 1.000 луѓе загинаа во петдневниот конфликт, вклучувајќи 72 руски војници.
На 26 август 2008 година, Русија ја призна независноста на Јужна Осетија и Абхазија.
ИЗДВОЕНИ
НИКОГАШ НЕ Е ДОЦНА НИ ЗА ВЛЕЗ ВО ПОЛИТИКАТА: На 97 години и на 81 година во трка за советничко место – најстарите кандидати на локалните избори
Се вжештува конкуренцијата кај нискобуџетните летови – банкрот на малите и на средните авиокомпании?
Во Скопје остана да се спасуваат само 15 %, сè друго е асфалт, бетон и пластика
Евтина мода со висока цена – токсични хемикалии во облеката и накитот од Тему, Шеин, Али Експрес…
