Полициските службеници издадоа меѓународна потерница по Милош Меденица, изјави директорот на црногорската полиција, Лазар Шќепановиќ, додавајќи дека полицијата не можела да ја предвиди одлуката на судот.
Меденица беше осуден на десет години и два месеци затвор во прв степен, но полицијата не го пронајде на неговата домашна адреса по изрекувањето на пресудата.
Шќепановиќ рече дека нема прецизни информации за тоа дали Меденица е во Црна Гора.
Тој изјави дека премиерот Милојко Спајиќ не бара директно негова одговорност и дека наредил да се спроведе внатрешна контрола, објавува порталот „Вијести“.
Тој додаде дека, доколку поднесе оставка, организираниот криминал ќе „пука огномет од зградата „Бемакс““.
Според Шќепановиќ, околу стотина објекти биле прегледани во среда навечер, а на границата имало 150 полицајци.
„Полициските службеници успеаја да издадат меѓународна потерница за помалку од 24 часа, а таа е активна во централното биро на Интерпол“, рече Шќепановиќ.
Тој нагласи дека се надева дека полицајците, со поддршка на меѓународните партнери, ќе го уапсат Меденица.
Милош Меденица е син на поранешната претседателка на Врховниот суд на Црна Гора, Весна Меденица, која беше осудена на 10 години затвор во прв степен во среда, 28 јануари.
