Женственост, емоција и дискоритам! Без разлика на тоа што го напиша текстот за новиот летен хит „Убав е“, сепак, Сара не открива кому му го посвети, за кого се работи, кој ѝ е толку убав. Дали, можеби, мисли на убавината на сопругот Димитар (познатиот водител) или на некој што ѝ е само во мислите? Тоа останува летна тајна за сите нас!
Поп-пејачката Сара Мејс реши на вистински начин, среде жешкото лето, да нè разлади со нова песна, потенцијален хит. Нејзината нова музичка приказна е лесно певлива, лесно се лепи за уво, но тешко се заборава. Има и убав наслов – „Убав е“. Тука се поставува прашање дали, можеби, Сара мисли на убавината на сопругот Димитар (познатиот водител) или на некој што ѝ е само во мислите. Тоа останува летна тајна за сите нас.
Без разлика на тоа што го напиша текстот, сепак, Сара не открива за кого се работи, кој ѝ е толку убав. Музиката е, исто така, нејзина, додека за аранжманот се погрижи Роберт Билбилов, кој внесе „заразен“ дискоритам во песната.
Сето тоа е проследено со атрактивен видеозапис, снимен на плажите во соседна Грција. Реакциите се фантастични и поради фантастичниот секси изглед на популарната пејачка. Како визуелна бајка пред сите нас: морска плажа, морско синило, зајдисонце и специфичната ненаметливо-суптилна женственост што Сара природно ја има. Идеално ја надополнува целата музичка приказна.
Сè на сè, љубовта е вечно актуелна тема што преовладува во овој летен проект. Тие што го создадоа проектот, се мисли на целата екипа, заслужуваат восхит. Сара, преку својот препознатлив стил, со длабока емоција и уметничка елеганција, раскажува приказна на една жена што се преиспитува и се „бори“ со самата себе.
„Да нема сонце, ќе можам. Да нема вода, ќе можам. Да немам никој, ќе можам. Но, без него не можам“ се вели во емотивно испеаните зборови.
За летниот и провокативен изглед на Сара се погрижи Фросина ФРАН Ангеловска, исто како и за нејзината шминка, а фризурата е дело на „Hair House“. Само опуштете се и уживајте. Нема лабаво со Сара! (Д. М.) фото:архива,Јутјуб
