За една недела санкционирани 144 непрописно паркирани возила во Центар

Јавното претпријатие „Паркинзи на Општина Центар“ во соработка со сообраќајната полиција, во периодот од 10.11. до 16.11.2025 година, со помош на нивните специјалните возила „пајак“ отстраниле 144 непрописно паркирани возила кои го попречувале нормалното и безбедно одвивање на сообраќајот.

За трајно решение на сообраќајниот метеж и проблемот со неправилното паркирање неопходна е поголема сообраќајна култура, затоа ЈП ПОЦ и СВР Скопје во наредниот период ќе продолжат со секојдневно отстранување на сите непрописно и несовесно паркирани автомобили во Општина Центар, за да се подигне сообраќајната свест на повисоко ниво и да се зголеми безбедноста во сообраќајот.