За да не ве боли глава од извршители, платете го данокот

Град Скопје ги повика сите даночни и таксени обврзници (правни и физички лица) што немаат платено данок на имот, данок на промет, данок на наследство и подарок и комунална такса-фирмарина, да ги намират своите даночни обврски во најкраток временски рок.

Од Град Скопје соопштија дека според евиденцијата на Секторот за даноци на имот и комунални такси, за периодот од 2020 до 2025 година, по основ на даноци и такси, граѓаните и компаниите имаат долг кон Градот во износ од над 36 милиони евра.

Оттаму информираат дека даночниот долг може да се плати и преку даночните шалтери на Град Скопје, кои стојат на располагање  секој  работен ден од 8:00 до 19:00 часот, како и в сабота, на 13.12.2025 година.

-Увид во вашиот долг, преземање на даночните и на таксените решенија, како и електронска уплата на долгот, може да извршите преку електронската платформа на Град Скопје: https://danoci.skopje.gov.mk/gskopje/root/public/login.xhtml. За сите прашања можете да се јавите на следниве телефонски броеви:  за данок на имот 072/204-434 и 02/3207-546, како и на и-мејл адресите [email protected], [email protected]; за данок на промет, наследство и подарок 02/3297-298 и 02/3297-296, како и на и-мејл адресата [email protected]; за комунална такса-фирмарина 02/3297-314, како и на и-мејл адресата [email protected] и за даночно сметководство 02/3297-298 и 02/3297-296, како и на и-мејл адресата [email protected] – велат од Град Скопје.

Во соопштението се наведува дека даноците на имот и комуналните такси се основните извори на приходи на Градот Скопје.

-Средствата остварени од овие приходи овозможуваат финансирање на основните функции на Градот, изведба на инфраструктурните проекти, кофинансирање на услугите што ги даваат комуналните претпријатија и јавните установи, како и финансирање на трошоците на средните училишта во Градот Скопје – потсетуваат градските власти.

Според  Законот за даноците на имот, наплатата на пристигнатиот даночен долг, паричните казни и каматите што даночниот обврзник не ги платил доброволно во пропишаниот рок, општинската администрација, администрацијата на општините во Градот Скопје и администрацијата на Градот Скопје ќе ја извршат по присилен пат. Пред пристапувањето кон присилна наплата, општинската администрација, администрацијата на општините во Градот Скопје и администрацијата на Градот Скопје му доставуваат писмена опомена на даночниот обврзник за да ги плати даночниот долг, паричните казни и каматата во рок од осум дена од денот на доставувањето на опомената на последната адреса што ја пријавил кај нив.

(А.П.)