Сообраќајните камери со вештачка интелигенција во пошироката област на Атина регистрираа повеќе од 2.000 сериозни сообраќајни прекршоци за само четири дена, покажаа резултатите од пилот-проектот на грчките власти, пренесе „Танјуг“.
Според тоа, од вторник до петок, една камера со вештачка интелигенција инсталирана на авенијата Сингро регистрираше повеќе од 1.000 прекршоци, вклучително и употреба на мобилни телефони и неносење безбедносни појаси, објави „Катимерини“.
Во истиот интервал, околу 800 случаи на пребрзо возење се регистрирани на дел од патот каде што ограничувањето на брзината е 90 километри на час.
Евидентирани се и 480 прекршоци на црвено светло.
Пилот-програмата, која започна минатата недела на осум локации со висок ризик по препорака на грчката полиција, е дел од поширока кампања за подобрување на безбедноста на патиштата.
„Ова е политичка одлука со јасна социјална цел. Станува збор за намалување на бројот на сообраќајни несреќи и спасување животи“, рече министерот за дигитално управување, Димитрис Папастергиу.
ИЗДВОЕНИ
Новиот систем за евиденција на границите на ЕУ ги менува плановите за патување на Балканците
„Номагас“ има гасоводи вредни 143 милиони евра – зјаат празни и се без имотни листови
Сиљановска–Давкова побара национално единство за ЕУ и јасни европски гаранции
„Нусе“ и „уба си“: хигиеничарка со месеци трпела навреди и закани од шефот
