Александар Вучиќ, претседателот на Србија, по повод повлекувањето на компанијата на Џаред Кушнер од проектот на Генералштабот, вели дека инвеститорот бил избркан од блокадерските кампањи и хајката против него.
Според него, целта на блокадите е да ја остават Србија без ништо.
Тој вели дека оваа приказна дури денеска станува афера.
– За жал, како држава и како народ, стануваме големи губитници. Изгубивме најмалку 750 милиони евра инвестиции, а вкупната материјална штета предизвикана од блокадите и обвинителството е не помалку од 1,5 милијарди евра. Јас лично ќе се погрижам сите што учествувале во уништувањето на Србија и нанесувањето на оваа штета да бидат одговорни за тоа – изјави тој во обраќање до медиумите по средбата со деца од Вуковар.
Вучиќ вели дека Обвинителството за организиран криминал, со поддршка на западните структури, донело закон по себе и за себе.
Тој потсети колку гласови добил на претседателските избори и вели дека одговара пред сите и дека секој има право да поднесе обвинение против него.
Вучиќ повторува дека штетата е голема и дека „ќе имаме руина што никој никогаш повеќе нема да сака да ја допре“.
Реагирајќи на изјавите дека проектот на Генералштабот е негов бесмислен обид да му се додворува на американскиот претседател што заврши со фарсична корупција, тој вели дека нема корупција бидејќи луѓето се повлекуваат од проектот.
– Никогаш немало, ниту пак тоа била намерата. Тие почнале од себе, и тие новинари и тие обвинители и политичари, не разбирајќи дека има луѓе кои прават нешто, а го прават тоа од идеали – вели Вучиќ.
Според него, Србите се мајстори на пропуштени можности и дека „ние само сакаме да му умре каравата на соседот“.
Тој повтори дека лично ќе подготви кривична пријава против сите што учествувале во уништувањето на оваа инвестиција, луѓе од полицијата, обвинителството и сите други што придонеле за тоа.
Според него, кога мислеле дека револуцијата е во полн ек, многумина во обвинителството сакале да се подготват за новите власти со намера да ги предадат членовите на овој режим на послужавник, но кога сфатиле дека грешат, ѓаволот ја однел шегата.
