Вучиќ упати порака до Вашингтон, Брисел и Москва: Не сакаме да војуваме, Србија е на своја страна

Српскиот претседател Александар Вучиќ објави преку својот Инстаграм профил и рече дека Србија е на своја страна, „без разлика колку тоа не им се допаѓа на Вашингтон и Москва“.

„Србија е на своја страна. Не сакаме да одиме во војна. Ја зајакнуваме нашата армија, купуваме многу нови системи, сакам луѓето да се чувствуваат смирено, да знаат дека имаме многу силни средства за одвраќање и дека оние кои мислат дека треба да пробаат нешто или да размислат за тоа, да знаат дека не е можно да го направат тоа, бидејќи нивните загуби би биле непресметливи и невозможно е тој напад да преживее“, рече Вучиќ во видеото.

Во описот на објавата, тој повтори дека Србија е на своја страна, без разлика колку тоа не им се допаѓа на Вашингтон, Брисел, Москва, на кој било друг.