Вторпат по една деценија: Хрватско село го урна Гинисовиот рекоред за најдолга штрудла на светот/видео

Хрватското село Јашково во близина на Озаљ, недалеку од границата со Словенија, го потврди својот статус како село шампион во најдолгата изработена штрудла, откако таму беше испечена најдолгата штрудла на светот.

Десет години откако го освои првиот Гинисов рекорд за правење најдолга штрудла на светот, со димензии 1.479,38 метри, и пет години откако жителите на Сисак го „презедоа“ Гинисовиот рекорд за правење најголема штрудла, Јашково сега повторно влезе во Гинисовата книга на рекорди, за време на 10-тото издание на „Штрудфест“, објавува „Вечерњи лист“.

Тие месеа, испекоа и наредија дури 8.940 штрудли распоредени во ред од повеќе од три километри и во форма на Карловачката ѕвезда во центарот на Јашково.

Рекордот беше значително надминат бидејќи, за да биде соборен, потребно е да се направат најмалку 5.874 штрудли со должина од 30,48 сантиметри.

„Најдолгата линија штрудли во светот е 3.136,84 метри, а се состои од 8.940 парчиња штрудла. Честитки, официјално ја имате најдолгата штрудла во светот. Одлични сте“, рече Паулина Сапинска, судија од Гинисовата книга на рекорди, која го следеше целиот процес на распоредување на штрудлите на масите распоредени во форма на ѕвездата од Карловац од самиот почеток.

За проектот беа употребени речиси два тони брашно и јаболка, 30 килограми цимет, ванилин шеќер и шеќер во прав, 230 литри масло и четиристотини килограми шеќер, а Весна Вуљаниќ и Блаженка Плескина ги истегнаа и ги замесија сите штрудли.

Дел од најдолгата штрудла во светот беше дистрибуиран веднаш по објавувањето на објавата до бројни здруженија кои се грижат за граѓаните, а дел беше продаден на граѓаните.

Собраните средства беа донирани на здружението „Силен како Јаков“, кое се грижи за потребите на децата кои боледуваат од малигни заболувања.