Две лица ги загубија животите во силна бура проследена со обилни дождови и ветрови со сила на ураган, која го погоди поголемиот дел од Грција. Регионот Атика беше најтешко погоден, каде што бурата предизвика големи поплави, прекини во сообраќајот и стотици повици до службите за итни случаи, пишува „Грик репортер“.
Во јужното атинско предградие Глифади, го загуби животот 56-годишна жена која беше однесена од поројот. Полицијата објави дека жената одела по улицата пеш кога била однесена од силен порој. Таа била заробена под возило, а пожарникарите ја пронашле без свест. Таа била однесена во болница, каде што била утврдена нејзината смрт.
Во Астрос Кинурија, 53-годишен офицер од локалната станица на крајбрежната стража настрадал додека патролирал пеш во пристаништето. Офицерот помагал во врзувањето на пловилата кога бил погоден од силен бран. Тој добил фатална повреда на главата. Бил извлечен од водата во несвест, а неговата смрт била потврдена во локалниот здравствен центар.
„Нивото на врнежи од дожд што го очекувавме беше потврдено, дури и повеќе. Во Спецес регистриравме до 100 мм, додека во Мегара и други делови од Атика вкупно надмина 140 мм“, рече метеорологот Димитрис Зијакопулос.
Според податоците од Националната опсерваторија во Атина (Meteo.gr), екстремни врнежи од дожд се регистрирани низ цела Атика, источен Пелопонез и Евија. До 20:00 часот во среда, во Папаго беа регистрирани 146,4 мм, во Тактикополис Тризинија 130,4 мм и во Виронас 126,4 мм.
Вртлогот на бурата денес треба да се движи кон исток. Сега се под закана Егејските острови, со предвидени бури и ветрови до 10 бофорти. Надлежните служби остануваат во состојба на висока готовност.
ИЗДВОЕНИ
Би-Би-Си: „Шегите“ на Трамп повеќе не поминуваат во Европа
Обвинителството не верува во „грозјето“, одбраната тврди: Парите се од продадени земја и трактори
Мицкоски на средба со сопственикот – „Фор-ај-џи (4iG)“ ќе инвестира 100 милиони евра за развој во Македонија
Мизерни плати, работниците во Македонија на дното во регионот – време е за промени!
