Православните верници ги прават последните подготовки за дочекот на Стара Нова година и празникот Василица. На Василица се крши леб или пита со паричка, која се верува дека носи среќа и бериќет.
Потребни состојки:
За филот:
65 мл сончогледово масло
100 г сенаменско брашно
400 мл млеко
65 г павлака
1 јајце
200 г фета сирење
20 г рендан, тврд кашкавал
За питата:
450 г кори за пита
60 мл сончогледово масло за премачкување
Начин на подготовка:
Во тава, на тивок оган, ставете го маслото измешано со брашното за филот. Константно мешајте. Кога ќе добие смесата златеста боја, постепено додавајте од млекото. Варете и мешајте додека да добиете кремаста смеса. Тргнете го тоа од огнот и оставете да се лади неколку минути. Додајте ги павлаката, јајцето, фета сирењето и ренданиот кашкавал. Загрејте ја рерната на 210 степени. Подмачкајте една овална тава со малку масло. Земете една кора и намачкајте ја со масло, со помош на четка. Ставете од филот на едниот раб, како на сликата, и потоа почнете да ја замотувате кората во ролна. Направените ролни наредете ги во тавата, почнувајќи од крајот кон средината. Ставете паричка. Премачкајте со масло одозгора. Печете ја питата 10-ина минути на 210 степени, потоа намалете ја температурата на 180 степени и печете ја уште 20-30 минути.
ИЗДВОЕНИ
„ВЕЧЕР“ на „театар на отворено“ во Вевчани: Карневално Дефиле под маски, 2026/ФОТО
ВТОРАТА НЕДЕЛА ОД ЈАНУАРИ СО ЗАГРИЖУВАЧКО ШИРЕЊЕ НА ВИРУСОТ: Грипот ги полни детските болници, распустот под прашалник
ПРЕМИЕРОТ ХРИСТИЈАН МИЦКОСКИ УТРЕ ЌЕ БИДЕ ДОМАЌИН НА МЕЃУПАРТИСКИОТ ДИЈАЛОГ ЗА БРОЈНИ ПРОБЛЕМИ: Ќе ѝ се пресуди ли на „пржинската влада“?
Не е само до јајцата, треба да поевтинат и другите производи
