Вратен украден златен накит од две кражби

Гостиварската полиција, во последните денови, успешно расветли два случаи на кражби со украден златен накит и пари, вредни вкупно околу 74.000 евра.

Првиот случај се случи на 22 декември, кога 45-годишната М. С. од селото Калиште е лишена од слобода поради сомнение дека истиот ден извршила кражба во куќа во село Градец, сопственост на 49-годишната Х. А. Притоа одзела златен накит во вредност од околу 9.000 евра. Одземениот накит веќе ѝ е вратен на сопственичката. Осомничената е задржана во полициска станица, а по документирање на случајот, против неа ќе следува соодветна пријава.

Во вториот, посериозен случај, гостиварската полиција расветли тешка кражба од 14 декември во куќа на 58-годишниот Ф. М. од Гостивар, при што биле украдени пари и златен накит во вредност од околу 65.000 евра. На 20 декември од слобода биле лишени А. З. (24) и М. З. (27) од Гостивар, како и Н. И. (24) од Тетово, кои се сомничат дека ја извршиле кражбата. При претрес во домот на едно од приведените лица, пронајден е поголем дел од украденото и со потврда ќе биде вратен на сопственикот.

Приведените во двата случаи се задржани во полициска станица, а по целосно документирање на случаите, против нив ќе бидат поднесени соодветни пријави.