Енричментот е начин на кој вработените во скопската Зоолошка градина им помагаат на животните да останат активни, љубопитни и ментално стимулирани. Овој пат во забавниот енричмент уживаше семејството мајмуни од видот макаки со свински опаш.
– Тоа се различни активности, предмети, мириси и предизвици што ги поттикнуваат да се однесуваат природно, да истражуваат, да бараат храна, да се качуваат, да играат и да размислуваат – објаснуваат од Зоолошката градина.
Оттаму велат дека енричментот е дел од секојдневната грижа и важен чекор за поквалитетен живот на животните.












