Вооруженото крило на палестинското исламистичко движење Хамас ја презема одговорноста за нападот во Ерусалим во понеделник во кој беа убиени шест Израелци, пренесува „Бета“.
„Бригадите Ал-Касам ја преземаат одговорноста за нападот што се случи во понеделник наутро во близина на раскрсницата на населбата Рамот“, се вели во соопштението.
Шест лица беа убиени, а 12 ранети кога палестинските напаѓачи, според израелските власти, отвориле оган врз луѓе на автобуска станица во Ерусалим.
Израелски војник и цивил убиле двајца од напаѓачите, соопшти полицијата, која подоцна уапси трето лице во врска со нападот.
Нападот на голема раскрсница на патот кон еврејските населби во источен Ерусалим е најсмртоносниот во Израел од октомври 2024 година.
Израелскиот министер за надворешни работи Гидеон Саар рече дека напаѓачите биле Палестинци, а премиерот Бенјамин Нетанјаху го пофали војникот кој ги уби напаѓачите на местото на пукањето.
ИЗДВОЕНИ
СОБРАНИЕТО В ПЕТОК ЌЕ ДОНЕСЕ ДЕКЛАРАЦИЈА ЗА ФЕР И ДЕМОКРАТСКИ ИЗБОРИ: Гаши: Овие избори не се да се биде или не, сонцето ќе изгрее и на 3 ноември
Комисијата влегува во АНБ, ќе се утврдува одговорност за петгодишното прислушување
Новите правила за влез во ЕУ тропаат на врата – задолжителните онлајн апликации ќе важат две години
Берачите годинава бараат 2.700 денари, дневниците се повисоки, а работници сè помалку
