Вообичаено „зборлестиот“ Трамп се притаи

Сместен во своето луксузно одморалиште Мар-а-Лаго во Флорида, американскиот претседател Доналд Трамп остана нетипично воздржан откако го најави почетокот на големите воени напади против Иран.

Трамп ги избегна грандиозните обраќања до нацијата од Овалната соба, какви неговите претходници претпочитаа да објават војни, и наместо тоа се одлучи за осумминутно видео на неговата социјална мрежа Truth Social.

Беше тоа во сабота во 2:30 часот по локално време. Следното видео беше објавено дури во недела попладне

По враќањето во Вашингтон во недела, вообичаено зборлестиот Трамп одби да одговори на прашања од новинарите што патуваа со него во Air Force One, вклучувајќи го и новинарот на AFP.

President Donald J. Trump on the United States military combat operations in Iran: pic.twitter.com/LimJmpLkgZ

— The White House (@WhiteHouse) February 28, 2026

Тој дури и не одржа прес-конференција за да им објасни на Американците зошто се впушти во војна.

Целата администрација на Трамп остана подеднакво отсутна од почетокот на операцијата „Епски бес“, што покренува прашања начинот на спроведување на најголемата интервенција на САД на Блискиот Исток во последните две децении.

Ниту претставници на Пентагон ниту на Стејт департментот не проговорија, а ниту еден член на владата не се појави во американските неделни утрински вести за да ја брани офанзивата.

Она што беше малку откриено дојде од серија кратки телефонски интервјуа што Трамп ги даде за голем број американски медиуми во саботата и неделата, но тие честопати беа контрадикторни.

President Donald J. Trump Monitors U.S. Military Operations in Iran: Operation Epic Fury, February 28, 2026 pic.twitter.com/7zRC0mhoXk

— The White House (@WhiteHouse) February 28, 2026

Во едно интервју тој рече дека војната може да трае четири недели, а во друго уште пет. Тој исто така изјави дека властите имаат тројца кандидати да го водат Иран по смртта на врховниот лидер на Иран, а потоа рече дека сите најдобри кандидати се убиени.

Повеќето интервјуа траеја неколку минути или помалку. За човекот кој минатата недела го сруши рекордот за најдолг претседателски говор во Конгресот, тоа е невообичаено „пригушен“ настап.

Белата куќа дури и во еден момент во саботата го негираше извештајот дека Трамп ќе одржи обраќање во живо, по примерот на настанот кога Барак Обама ја објави смртта на Осама бин Ладен во 2011 година.

Трамп, меѓутоа, објави фотографии направени во Мар-а-Лаго со неговиот врвен тим за национална безбедност, изгледајќи уморно и носејќи ги истите бели бејзбол капи.

За промена, американскиот претседател не ја играше својата омилена рунда голф за време на викендот во Флорида, но присуствуваше на две вечери за собирање средства на Републиканската партија во неговиот клуб за богати донатори.

Сепак, тој остана на нив кратко време, пишува Индекс.хр.