Денес во пристаништето во Лос Анџелес е прогласена вонредна состојба откако избувна голем пожар на товарен брод што превезувал опасни материјали, соопштија локалните власти.
Повеќе од 100 пожарникари беа распоредени за да го изгаснат пожарот, но локалните власти изјавија дека нема жртви или повредени, објави „Лос Анџелес Тајмс“.
Пожар на електрична енергија беше пријавен во 18:38 часот по локално време под палубата на контејнерскиот брод „1 Хенри Хадсон“, долг 330 метри, а експлозија се слушна кратко пред 20 часот, соопшти противпожарната служба на Лос Анџелес.
Опасни материјали беа складирани во неколку товарни контејнери кои беа зафатени од пламен, а сите пожарникари носеа заштитни одела и маски за кислород.
Fire erupts on container ship at Port of Los Angeles in San Pedro pic.twitter.com/ul3Gyy7GZy
— The Daily News (@DailyNewsJustIn) November 22, 2025
Специјално обучени тимови за опасни материјали го следат квалитетот на воздухот додека продолжуваат напорите за локализирање на пожарот на долните палуби на бродот. Според „Вестидел“, товарниот брод што се запали пловел под знамето на Панама и пристигнал во пристаништето во Лос Анџелес од Токио.
Во изјава на нејзиниот профил на платформата „Икс“, градоначалничката на Лос Анџелес, Карен Бас, изјави дека градските власти „внимателно ја следат ситуацијата“, пренесе „Танјуг“.
ИЗДВОЕНИ
Дводневен самит на Г20 без САД: Праведна енергетска транзиција, пофер експлоатација на критичните минерали во фокусот
Младите повеќе сакаат цела плата во џеб отколку старосна пензија
САМИТ НА ЛИДЕРИТЕ ОД ЗАПАДЕН БАЛКАН ВО ТИРАНА, МАКЕДОНСКИОТ ПРЕМИЕР БАРА ДА СЕ ОЦЕНУВААТ РЕФОРМИТЕ: Патот кон ЕУ низ дела, не низ блокади – Македонија чека правичен пристап
Нема веќе вработувања и специјализации по желба – лекарите ќе одат каде што има потреба од нив
