Воден пекол во Австралија: Луѓето спасуваат жива глава заробени на покривите/ФОТО/ВИДЕО

Обилните дождови предизвикаа поплави долж источниот брег на Австралија, погодувајќи силно помали градови на околу 250 километри северно од Сиднеј, каде што жителите беа заробени на покривите, објавија локалните медиуми во средата.

Меѓу најтешко погодените беа градот Тари во винскиот регион на долината Хантер и градот Вингам на централниот северен брег.

20.05.2025#Australia#Flooding in the Mid North Coast and Hunter Region of #NSW.Thousands of homes without power. More than 270mm of rain fell in several locations in less than 24 hours. SES responded to 1,400 incidents.4,000 homes across the state were left without power. https://t.co/pNzN95p13q pic.twitter.com/tjVG4tM0Wi

— Climate Review (@ClimateRe50366) May 21, 2025

Австралиската телевизија ABC објави „поплави од невидени размери“, опишувајќи драматични сцени кога хеликоптери и чамци ги евакуираат жителите заробени на покривите поради пороен дожд и силни ветрови, придружени со ниски температури.

Официјални лица изјавија дека околу 1.600 лица од службите за итни случаи биле распоредени за да помогнат во спасувачките операции.

There are currently 83 warnings active for the state with multiple communities now isolated.

We’ve had numerous requests for flood rescue in Wingham, Taree, Coffs Harbour and surrounds, and are prioritising people who are isolated and trapped.

Read more: https://t.co/yvJE1m2wjG pic.twitter.com/EG7oIVol19

— NSW SES (@NSWSES) May 20, 2025

Некои жители ја поминаа ноќта на покривите среде надојдената вода. Една жена изјави за австралискиот ТВ канал 9 News, дека таа и нејзиното семејство биле заробени околу 12 часа, опкружени со брзо растечка вода и кал.

Реката Менинг во регионот достигна рекордно ниво од над 6 метри, надминувајќи го претходниот максимум забележан во 1929 година, според 9 News. Властите предупредија дека реката може дополнително да се издигне поради континуираните обилни дождови.

Повеќе од 80 училишта останаа затворени, а прекин на електричната енергија го погоди регионот. Метеоролозите најавуваат нови обилни врнежи до петок. Бирото за метеорологија издаде предупредување за „поплави опасни по живот“ во неколку области.