За само осум дена од новата година, во функција е ставена четвртата градинка, овој пат во Гевгелија, која е опремена со надгледни средства и има нов кадар. Со оваа нова градинка, листата на чекање за слободно место се сведува на нула.
Премиерот Христијан Мицкоски рече дека многу градинки, училишта, базени се привршуваат и наскоро ќе бидат пуштени. Тоа се објекти што почнаа да се градат или да се реконструираат со парите од Владата по првиот и вториот повик.
-Продолжуваме со засилена динамика и во 2026 година, која ќе биде година на реформи, односно на крупни проекти во образованието, градежништвото, енергетиката, економијата, земјоделството – рече Мицкоски.
