Во Турција беснеат шумски пожари: Од утринава гори и Бурса, евакуирани се над 1700 луѓе

Шумските пожари кои со недели беснеат во Турција го загрозија рано утринава четвриот по големина град во земјата, Бурса поради што повеќе од 1.700 луѓе ги напуштија своите домови, а еден пожарникар настрада.

Пожарите избија во текот на ноќта во пошумените планини околу Бурса брзо се проширија, обојувајќи го ноќното небо над источното предградие на градот со црвен сјај. Десетици силни шумски пожари ја погодуваат земјата секојдневно од крајот на јуни, а владата во петокот прогласи две западни провинции, Измир и Билеџик, за подрачја на катастрофа.

Канцеларијата на гувернерто на Бурса соопшти денеска дека 1.765 се безбедно евакуирани од селата на североистокот, додека повеќе од 1.900 пожарникари се борат со пламенот. Автопатот кој ја поврзува Бурса со престолнината Анкара беше затворен затоа што гореа околните шуми.

Пожарникар почина од срцев удар додека бил на должност, рече градоначалникот на градот Мустфа Бозбеј, додавајќи дека пламенот изгоре 3.000 хектари околу градот. Орхан Сарибал, опозицискиот парламентарец за покраината, ја опиша сцената како „апокалиптична“.

Министерот за шумарство Ибрахим Јумакли рече дека противпожарните екипи низ земјата се соочиле со 84 одвоени пожари во саботата. Северозапдот на земјата бил под најголема закана, вклучувајќи го Карабак, каде што шумските пожари беснеат од вторникот.

Невообичаено високите температури за оваа сезона, сувите услови и јаките ветрови ги потткнуват шумсктие пожари.

Генералниот директорат за метеорологија соопшти дека Турција во петокот во југоисточната провинција Сирнак забележала најголема температура во историјата од 50,5 степени Целзиусови. Највисоки температури во јули беа забележани на уште 132 локации.