Русија и САД разговараат за можноста за уште една размена на затвореници, објави американскиот портал „Аксиос“, повикувајќи се на претставници од двете земји.
Размените на затвореници, од кои последната се случи во април, беа дел од напорите на американскиот претседател Доналд Трамп да ги стабилизира односите со Русија по години дипломатски тензии. Кирил Дмитриев, помошник на рускиот претседател Владимир Путин, изјави за „Аксиос“ дека можноста за уште една размена била покрената за време на неговата посета на Вашингтон кон крајот на октомври.
„Се сретнав со некои американски претставници и членови на тимот на Трамп за некои хуманитарни прашања, како што се можните размени на затвореници на кои работи американската страна“, изјави Дмитриев за медиумот во телефонско интервју.
Американските претставници потврдија дека Дмитриев ја разговарал идејата со специјалниот пратеник Стив Виткоф и други членови на администрацијата на Трамп, но дека не е постигнат договор и дека не се споменати имиња, наведе „Аксиос“.
ИЗДВОЕНИ
Јавноста ја очекува вистината за кочанската трагедија, имиња наместо Н.Н. обвинети!
ЗИМСКО ПРЕСТРОЈУВАЊЕ ВО ПАРТИСКИТЕ РЕДОВИ ПО ЛОКАЛНИТЕ ИЗБОРИ: Конгресни проветрувања, кој ќе биде збришан, а кој запишан?
Жена со еден век светлина – животот на баба Слава инспирација за четири генерации
Цените растат затоа што на трговците им се може
