Во ромската населба во Рим се уапсени 18 лица за најмалку 46 кривични дела – вршеле кражби, грабежи, киднапирања на стари лица

Во ромската населба Париоли во Рим, карабинерите на специјалната единица за организиран криминал денеска уапсија 18 лица осомничени за најмалку 46 кривини дела, вклучително со кражби и грабежи, како и посериозни престапи како киднапирања, кражби во трговски центри и предизвикување пожар.

Според информациите од истрагата, која ја води Обвинителството за организиран криминал во Рим, осомничените се припадници на криминална група од подрачјето на таа населба.

Истрагата утврди дека цел на крадците биле постари лица, главно на препад среде ноќ или во текот на попладневните и вечерните часови, додека гледале телевизија.

Во некои случаи, жртвите биле принудувани со закани и насилство да ги предадат сите свои вредни сопствености додека, во еден инцидент, едно лице претрпело и закана со пиштол, пренесе „Раи Уно“.

Иако одредени осомничени се веќе уапсени во раните фази на истрагата, групата успевала брзо да се реорганизира, регрутирајќи нови членови.

Во текот на операцијата, карабинерите ги прислушкувале телефонските разговори на осомничените, при што во позадината се снимени и гласови и вресоци на жртвите, што дополнително ја потврдувало сериозноста на злочинот.

Некои од уапсените се осомничени и за кражби во комерцијални објекти како играчници и кафулиња, пренесува „Танјуг“.

Исто така, истражителите откриле дека еден од организаторите на кражбите, кои ги координирал злочините од затворот „Реџина Коели“, користел мобилни телефони за управување на операциите.