Италијанскиот скијач Матео Францозо (25) трагично почина по сериозен пад за време на тренинг во Чиле, објави денес Италијанската зимска спортска федерација (FISI).
Несреќата се случи во сабота за време на тренинг. Францозо претрпе сериозна повреда на главата и беше хоспитализиран во Сантијаго, главниот град на Чиле, објави „Асошиејтед Прес“.
Починал поради траума на черепот и оток на мозокот, соопштија лекарите.
Францозо ја освои трката супер-Г како дел од Европскиот куп 2021.
Тој никогаш не успеа да влезе меѓу првите 20 на Светскиот куп.
Претседателот на FISI, Флавио Рода, изјави дека „ова е трагедија за неговото семејство и за нашиот спорт“.
„Мораме да направиме сè што е во наша моќ за да се осигураме дека ваквите несреќи нема да се повторат“, рече Рода, потсетувајќи се на смртта на друга италијанска скијачка, Матилда Лоренци, која почина помалку од една година претходно.
Матео Францозо беше дел од новата генерација италијански скијачи и се сметаше за голем талент во техничките дисциплини.
ИЗДВОЕНИ
ГЛАСАЊЕТО НА ЛОКАЛНИТЕ ИЗБОРИ ЌЕ БИДЕ ОСОБЕН ПРЕДИЗВИК: Скопјани ќе бираат советници на гласачко ливче долго еден метар?!
ЗАГРОЗЕНА ЛИ Е БЕЗБЕДНОСТА ВО ДРЖАВАТА СО ПОЖАРИТЕ ВО „ВАРДАРИШТЕ“, „ДРИСЛА“ И ТРУБАРЕВО?: Одговорот за хибридна војна го имаат потпалувачите
Патувањето преку „Јасен“ да се скуси за два и пол пати, остана пуста желба на Поречани
Државата нема начин како да го намали јазот меѓу платите
