Во Кочани се одржа 35. „Марш за ангелите“

Во Кочани денеска се одржа 35. „Марш за ангелите“ на родителите на загинатите во пожарот во кочанската дискотека „Пулс“. На маршот се обратија некои од родителите.

Таткото на едно од загинатите девојчиња одржа потресен говор за болката со која катадневно живее тој и семејството.

Мајка на едно од загинатите момчиња објави потресно писмо посветено на својот син и на неговите пријатели, кои својата прва Нова година, наместо со најблиските, ја „дочекуваат“ на небото.