Во хрватскиот град Осиек, уапсен е детски психијатар под сомнение дека злоупотребувал малолетни пациенти. Психијатарот (46) е кривично гонет под сомнение дека сторил голем број тешки кривични дела, вклучувајќи и злоупотреба на малолетни пациенти и овозможување да консумираат дрога.
Полицијата се сомнева дека тој ја користел својата позиција во здравствена установа во Осиек и според наодите, меѓу 2016 и 2019 година на своите четири пациенти, кои биле малолетни тогаш, им се обраќал со несоодветни зборови, несоодветно ги допирал по телото и им давал да консумираат дрога. Истрагата, исто така, утврдила дека од 2018 до 2023 година давал дрога и на возрасни, свои познајници, денес на 35-годишна жена и 35-годишен маж.
При претрес на неговите дом, ординација и возило, полицијата пронашла значително количество разни дроги. Биле запленети 33 кесички марихуана со вкупна тежина од 213,9 грама, 12 таблети МДМА, хашиш, дополнителни пакувања МДМА во грутки, амфетамин и шприц со 0,5 милилитри непозната содржина.
ИЗДВОЕНИ
Опасен воздух и во текот на денот ги гуши граѓаните на Скопје
Македонија и ЕУ со иста цел, но и на исто растојание
На злоупотребите со буџетските средства никако да им дојде крајот: Кои се социјалците што примаат илјада евра помош?
Најскапиот станбен квадрат е продаден во Белград, најевтиниот во Тирана
