Во чест на 200-годишнината од раѓањето на композиторот: Валцерот на „Убавиот син Дунав“ ќе биде испратен во вселената преку радио сигнал

Од страна на

25/05/2025 19:15

Валцерот на Јохан Штраус Помладиот „На убавиот син Дунав“ ќе биде месецов испратен преку радио сигнал во вселената, со цел да се одбележат 200 години од раѓањето на австрискиот композитор, пренесува „AP“.

Славната класична композиција ќе биде испратена преку радио сигнал во вселената преку огромни антени од Шпанија, во изведба на Виенскиот симфониски оркестар. Манифестацијата е планирана за 31 мај, со бесплатни јавни проекции во Виена, Мадрид и Њујорк исто така ќе бидат прославени 50 години од основањето на Европската вселенска агенција.

Иако музиката би можела да биде конвертирана во радио сигнали во реално време, ЕСА ќе испрати однапред снимена верзија од пробата на оркестарот која ќе биде одржана и снимена еден ден претходно, со цел да се избегнат какви било технички проблеми. Настапот во живо само ќе обезбеди свечена „придружба“ на целиот настан.

Радио сигналите ќе се движат со близина на светлината, односно побрзо од милијарди километри на час. Тоа знали дека славната композиција ќе помине покрај Месечината за една и пол секунда, покрај Марс за четири ипол минути, покрај Јупитер за 37 минути покрај Нептун за четири часа, откако ќе биде испратена од Земјата.

За 23 часа, сигналите ќе бидат оддалечени од Земјата повеќе од 24 милијарди километри и ќе патува низ пространството на меѓуѕвездениот простор.

Ваков вид прослава не е вообичаен за вселенските агенции, НАСА така ја прослави својата 50-годишнина во 2008 година емитувајќи ја песната “Across the Universe” на „Битлси“.

Лансирани во 1977 година, леталата на НАСА Војаџер 1 и 2 носеа позлатена бакарна фонографска плоча, која содржи звуви и слики од Земјата, како и 90-минутна музика.

Астрономот Карл Саган, ја предводеше комисијата која ги избра делата на Бах, Бетовен, Моцарт и Стравински, заедно со модерни композиции, но беше прескокнат Јохан Штраус, чие дело „На убавиот син Дунав“, беше дел од музиката за научнофантастичниот филм на Стенли Кјубрик „2001:Одисеја во вселената“ од 1968 година.

Музичката заедница во Виена, каде што Штраус е роден на 25 октомври 1825 година, соопши дека на овој начин ќе биде исправена „космична неправда“ и на тој начи „најпознатиот валцер на светот“ сепак ќе се најде меѓу ѕвездите.