Италијанката Франческа Лолобриџида (35) го освои златниот медал во трката на 3.000 метри во брзо лизгање на Зимските олимписки игри во Милано и Кортина. Лолобриџида го освои својот прв златен медал на Игрите со време од 3,54,28 минути, што е воедно и нов олимписки рекорд.
Многумина го поврзуваа презимето Лолобриџида со познатата италијанска актерка Џина Лолобриџида. И да, Франческа е внука на позната актерка, чија кариера го достигна својот врв во средината на 20 век. Сепак, култната сцена се создаде по завршувањето на трката, додека Италијанката даде изјава за медиумите.
Лолобриџида изјави дека нејзина главна желба на ова натпреварување била да покаже дека е можно да се биде врвен спортист и мајка на мало дете. За време на изјавата, таа го држеше во раце својот тригодишен син Томас, кој ја вознемири мајка си за време на интервјуто и го зграпчи микрофонот на водителот.
Франческа, која го прослави својот 35-ти роденден пред три дена, во сезоната 2022/23 година направи речиси двегодишна пауза поради бременост, по што се врати на трките со голем успех и одлучи да го води својот син на речиси сите натпреварувања низ целиот свет.
ИЗДВОЕНИ
Борбата за плати е маратон, а не спринт – ќе излегуваме на улица се додека не ги зголемат
Обвинителството истражува поврзаност на запленетиот канабис, со марихуаната во Србија
Гаши: Пратениците утре сами ќе се сноаѓаат како да дојдат на работа, пеш или порано
Познати се термините кога македонските олимпијци ќе настапат на ЗОИ
