МАКЕДОНИЈА

ВМРО-ДПМНЕ: Ако до Нова година нема чекори за борба против корупцијата за еклатантни примери на криминал, ќе тргнеме во одлучна акција за коренити промени во правосудството

Од страна на

23/09/2025 20:10

По денешната изјава на лидерот на СДСМ, Венко Филипче, во која ги посочи премиерот Христијан Мицкоски и неговата влада како директно одговорни за состојбата во судството и неспороведување на реформите, од ВМРО ДПМНЕ реагираа со уверување дека „ако до Нова година нема чекори за борба против корупцијата за еклатантни примери на криминал, ќе тргнеме во одлучна акција за коренити промени во правосудството“.

Со судството и обвинителството во Македонија раководи кланот Заеви и кланот Ахмети. Тие се директните виновници кои држат судии и обвинители затоа што се уплашени поради криминалот кој го имаат направено. Затоа секој случај кој ќе почне завршува со неуспех, обвинуваат, пак, од ВМРО-ДПМНЕ.

„Затоа секоја пријава на МВР или докази или допрен глас и укажување од Владата или јавноста за криминал на луѓе од СДС и ДУИ завршуваат без епилог, во нечија фиока или затворени се како случаи.

Но, имаме една порака. Ако до Нова година не се смени ова и нема чекори за борба против корупцијата за еклатантни примери на криминал на разни политичко мафијашки групации во земјава, ние ќе објавиме и тргнеме во одлучна акција и чекори кои тоа ќе го променат од корен.

Укажувавме, повикувавме, апелиравме, молевме, но безуспешно.

Народот е разочаран.

Апатијата се зголемува. Довербата во правна држава ја нема. Надежта се губи.

Нема да го дозволиме тоа. Ќе биде или тие или Македонија. Или тие сите криминалците без разлика на политичка и етничка припадност на една страна, или ние со народот на другата.

Доаѓаат тешки моменти за корумпираните судии, обвинители, и политичари и бандити, велат од ВМРО-ДПМНЕ