Владата на САД започна со спроведување на царини од 10 отсто

Американската влада денеска почна со примената на општите царински стапки во износ од 10 отсто, што е за пет проценти пониско од она што го најави претседателот Доналд Трамп за време на викендот.

Глобалната царина која ја објави денеска Царинската и граничната служба следеше откако Врховниот суд одлучи дека Трамп немаше право да ги користи вонредните овластувања без согласност на Конгресот.

По таа одлука Трамп рече дека ќе воведе царина од 10 отсто за сите држави, за еден ден подоцна да соопшти дека таа ќе изнесува 15 отсто, што е максимум на кој, во солгаснот со законот, има право, пренесува „Си-ен-ен“.

Официјален претставник на Белата куќа рече дека Трамп потпишал само извршна уредба за воведувањето царини од 10 отсто и додаде дека планот е тие да се зголемат на 15 отсто, а по тој рок би можело да бидат продолжени само ако Конгресот го одлучи тоа.