Во среда, на 5 ноември, небото ќе биде домаќин на вистински астрономски спектакл – ќе се појави најголемата и најсветлата супермесечина во 2025 година.
Овој редок феномен се случува кога полната месечина се совпаѓа со нејзиното најблиско приближување до Земјата, што ја прави поголема и посветла од вообичаеното.
Месечината потоа ќе биде на помалку од 357.000 километри од Земјата, па ќе изгледа до 8 проценти поголема и 16 проценти посветла на небото од просечната полна месечина, објавува The Guardian.
Експертите советуваат дека најдобро време за набљудување е моментот кога ќе се издигне над хоризонтот, кога се појавува таканаречената „илузија на месечината“ – оптички ефект што ја прави месечината да изгледа уште поголема во споредба со објектите на земјата.
