Хе Венжонг, поранешен заменик-генерален директор на кинеската државна компанија за снабдување со одбранбена опрема, е осуден на смртна казна условна од две години по обвинение поврзано со примање мито, објавија денес кинеските медиуми.
Условната смртна казна значи дека најстрогата казна ќе се изврши само ако тој стори нови кривични дела за време на периодот на одложување, објави Ројтерс.
За време на неговиот мандат во Групацијата за електронска технологија од 2006 до 2023 година, тој примил мито од повеќе од 40,28 милиони долари, објави Ројтерс, повикувајќи се на CCTV.
