ВИДЕО: Невеста шокирана од барањето на деверушата: „Ако беше шега, не мислам дека е смешно“

Невеста од Велика Британија беше непријатно изненадена кога нејзината долгогодишна пријателка и деверуша ја замоли да носи бел фустан на нејзината свадба.

Клое Котерел, која ги објавува своите искуства со планирањето на свадбата на TikTok, раскажа како организирала посебен ден за купување фустани за своите десет деверуши, пишува Дејли Меил.

Таа им понуди на сите избор од шест нијанси на розова, но деверушата Натали се одлучи за бела. „Бев без зборови. Единственото нешто што ги прашав девојките беше бојата – нијанси на розова. Сè друго, буџетот и изборот на крој, беше сосема бесплатно“, рече Клое, нагласувајќи дека се пријателки уште од тригодишна возраст и дека никогаш не би помислила дека таа ќе биде таа што ќе предизвика проблеми.

Невестата откри дека Натали разговарала со продавачка во бутик за венчаници, а потоа продавачката ѝ рекла дека деверушата сака да проба бел фустан.

„Не е дека е верена и сака да види како би изгледала во венчаница. Таа е среќно слободна и ужива во тоа. Ако беше шега, не ми е смешно“, рече Клое.

Кога директно ја прашале зошто инсистирала на бел фустан, Натали одговорила дека сака да се издвои меѓу другите деверуши.

„Едноставно нема смисла бидејќи таа е деверуша. Не сакам да носи бело на свадбата“, додаде идната невеста.

Нејзината приказна брзо привлече внимание на TikTok, видеото беше прегледано повеќе од 647.000 пати, а во коментарите, следбениците се согласија дека невестата била во право.

@chloecotterelll My bridesmaid leaked my dress…. #storytimevideos #makeupstorytime #storytime ♬ original sound – Chloe Cotterell

„Кажете ѝ дека не може, а ако не се повлече, избркајте ја од свадбата“, напиша еден корисник, додека друг додаде: „Не ја поканувајте на свадбата“.

Други рекоа дека Натали повеќе не треба ни да биде деверуша: „Таа не е ваша пријателка, не дозволувајте да дојде на свадбата“.

„Значи сега имате девет деверуши“, „Ако сака да изгледа како невеста, нека си ја плати свадбата“, беа други коментари.