Видео на активистка и новинарка се шири на социјалните мрежи: „Гори една од најголемите џамии во Иран“/видео

Видео од оган и густ чад во близина на верска зграда се прошири на социјалните мрежи, а го објави иранската активистка и новинарка Масих Алинеџад на платформата „Икс“. Во објавата, таа тврди дека за време на тековните протести во Иран, горела „една од најголемите џамии во земјата“.

„Една од најголемите џамии во Иран горела за време на востанието. Не паничете. Ова не е хаос. Ова се 47 години бес. Четириесет и седум години, по секое „Алаху Акбар“ од тие минариња, исламистичкиот режим убиваше невини Иранци“, напиша Алинеџад покрај видеото.

Дали е ова џамијата Ал-Расул?

Видеото брзо се прошири на платформата „Икс“ и други социјални мрежи, но нема независна потврда каде и кога е снимено. Според непотврдени информации, станува збор за џамијата Ал-Расул во Техеран, што е сугерирано и од фотографија од Google Maps.

Иранските власти сè уште официјално не го коментирале видеото, а големите меѓународни медиуми сè уште не потврдија дека избувнал пожар во една од поголемите џамии во Иран како дел од тековните протести, пренесе „Индекс“.

One of Iran’s biggest mosques burned during uprising.

Don’t panic. This isn’t chaos.
It’s 47 years of rage.
For 47 years, after every Allahu Akbar from these minarets, innocent Iranians were executed by an Islamist regime. pic.twitter.com/oHtMpPjHQA

— Masih Alinejad 🏳️ (@AlinejadMasih) January 10, 2026