Адвокатите кои застапуваат неколку американски новински организации поднесоа тужба против владата поради исчезнувањето на видео доказите користени за време на изрекувањето на казните на лицата вклучени во нападот на американскиот Капитол на 6 јануари 2021 година од владината онлајн платформа.
Во документите поднесени од адвокатите се наведува дека девет видеа поврзани со случајот против Глен Сајмон, кој се изјасни за виновен за непристојно однесување во безбедна зграда, исчезнале од официјалната веб-страница и повеќе не се достапни во базата на податоци, објави Гардијан.
Сајмон се изјасни за виновен во 2022 година и беше осуден на осум месеци затвор.
Американското Министерство за правда објави дека околу 140 полицајци од американската Капитолска полиција и полицискиот оддел на Вашингтон биле повредени за време на немирите во Капитол на 6 јануари 2021 година.
Откако Доналд Трамп ја презеде функцијата претседател на САД на 20 јануари, тој помилува околу 1.500 луѓе осудени за злосторства поврзани со 6 јануари, вклучително и некои осудени за насилни злосторства.
ИЗДВОЕНИ
Веднаш по изборите ќе има реконструкција и подобрување на капацитетите на Владата, ниту една функција не е вечна, најави Мицкоски
Почнува јавниот увид во Избирачкиот список за локалните избори
Тетовка спакувала 27 илјади евра и од балкон ги фрлила кон измамникот
Левица го кандидира Мециновиќ за градоначалник на Скопје, приоритети му се јавниот превоз, урбанизацијата и чистиот воздух
