Додека повеќето научници веруваат дека меѓуѕвездениот објект 3I/ATLAS најверојатно е само комета, астрофизичарот од Харвард, Ави Лоеб, ја повтори својата теорија дека постои реална можност да станува збор за вонземјани!
Имено, Лоеб и неговиот колега анализирале фотографии од објектот објавени од НАСА и утврдиле дека изворот на неговиот сјај веројатно не доаѓа од Сонцето.
Бидејќи ако 3I/ATLAS рефлектира светлина, тоа би значело дека е долг 19 километри, што е малку веројатно, рече Лоеб, нагласувајќи дека јадрото на објектот всушност би можело да биде нуклеарно.
Со други зборови, тој мисли дека може да биде мотор на вонземски брод!
„3I/ATLAS може да биде вселенско летало на нуклеарен погон, а прашината што се испушта од неговата предна површина може да биде нечистотија што се насобрала на неговата површина за време на неговото меѓуѕвездено патување“, шпекулираше Лоеб, признавајќи дека во моментов нема докази за ова.
„Не можеме да ја исклучиме оваа теорија, но потребни се поконкретни докази за да биде одржлива“, рече тој.
Како што забележавме, НАСА во моментов го класифицира објектот со големина на Менхетен како комета, но Лоеб верува дека „профилот на осветленост околу Атлас имплицира дека јадрото доминира над набљудуваната светлина“.
„Наједноставното толкување е дека самото јадро на 3I/ATLAS произведува поголем дел од светлината“, напиша тој во труд објавен изминатата недела.
Интересно е што објектот ќе помине покрај Марс и Јупитер, што дополнително ги зајакна сомневањата на Лоеб дека станува збор за извидувачка мисија спроведена од љубопитна меѓуѕвездена интелигенција.
Потсетете се дека мистериозниот космички натрапник првпат беше забележан на 1 јули откако беше детектиран од Системот за последно предупредување за удар на астероид на Земјата (ATLAS), а се движи кон внатрешниот Сончев систем со брзина од 240.000 км/ч.
