Француската жандармерија го опиша инцидентот како еден од најневообичаените случаи досега. Во раните утрински часови на 5 јули, маж на околу 60 години, во придружба на неговата 62-годишна сопруга и 22-годишна ќерка, застанал на бензинска пумпа во Памплона, во централна Франција, на автопатот А10, за да наполни гориво.
Било околу четири часот наутро и ниту сопругот ниту ќерката не забележале дека мајката не се вратила во автомобилот откако отишла во тоалет. Тие едноставно го продолжиле своето патување, пишува Ревијахак.
Дури во 8:30 часот утрото, во близина на границата со Шпанија и по повеќе од 300 километри, возачот забележал дека неговата сопруга ја нема. Збунет, тој контактирал со жандармеријата во Лабује, иако не можел точно да прецизира на која бензинска пумпа ја оставил сопругата.
Полицајците го пронашле нејзиниот мобилен телефон и брзо ја пронашле – жива и здрава – на истата бензинска пумпа каде што била оставена.
Сопругот се вратил 300 километри за да ја земе сопругата пред да го продолжат своето патување кон Мароко.
