Џеј Ди Венс се сретна со Нетанјаху: „САД го надгледуваат мирот во Газа, но не како што се надгледува дете“

Потпретседателот на САД, Џ.Д. Венс, и израелскиот премиер Бенјамин Нетанјаху, се сретнаа во Ерусалим во среда наутро, додека САД се обидуваат да одржат прекин на огнот во Газа, а во Израел расте загриженоста дека Вашингтон може да се обиде да ги ограничи израелските воени дејствија во енклавата.

„Израел не е вазална држава“
Венс и Нетанјаху се обидоа да покажат единство едни со други, среде критиките во Израел дека серијата посети на високи претставници на администрацијата на Трамп – специјалните пратеници за Блискиот Исток, Стив Виткоф и Џаред Кушнер, кои пристигнаа во понеделник, и државниот секретар Марко Рубио, кој треба да пристигне во четврток – сигнализираат дека Вашингтон сака да обезбеди продолжување на примирјето, насочувајќи ги израелските потези по потреба, објави „Вашингтон пост“.

„Ние не сакаме вазална држава, а Израел не е таква – ние сакаме сојузник тука“, рече Венс во кратка изјава за новинарите заедно со Нетанјаху. Нетанјаху додаде: „Една недела велат дека Израел ги контролира САД, а следната САД го контролираат Израел – тоа е бесмислица… имаме партнерство“.

Ванс додаде дека САД го надгледуваат прекинот на огнот во Газа, „но не како што се надгледува дете“.