Венс ја нападна Европа: „Не си ја завршивте работата“ во обезбедувањето на клучната стратешка област за безбедноста не само на САД, туку и на целиот свет

Потпретседателот на САД, Џ.Д. Венс, рече дека Гренланд е клучен за одбрана на САД и светот од потенцијални руски или кинески ракетни напади, остро критикувајќи ја Европа и Данска дека „не ја завршија добро работата“ во обезбедувањето на стратешката област. Неговите коментари доаѓаат во време кога Белата куќа потврди дека „активно“ ја разгледува опцијата за купување на Гренланд, полуавтономна данска територија, пишува „Би-Би-Си“.

Во интервју за „Фокс Њуз“, Венс беше прашан колку далеку се подготвени САД да одат во врска со Гренланд.

„Па, конечната одлука ќе ја донесе претседателот, но има многу негодувања од Европа, а Европа не се справи со фундаменталниот аргумент што го изнесуваат претседателот и целата администрација. Гренланд е клучен – не само за нашата национална безбедност, туку и за безбедноста на целиот свет. Луѓето не се свесни за тоа.

Целата инфраструктура за противракетна одбрана делумно зависи од Гренланд. Ако, не дај Боже, Русите или Кинезите – не велам дека ќе го сторат тоа – но ако во иднина некој испали нуклеарна ракета кон нашиот континент или кон Европа, Гренланд е клучен дел од тој одбранбен систем.

Значи, се поставува прашањето: дали Европејците, дали Данците, направија добра работа во обезбедувањето на Гренланд и обезбедувањето дека тој може да продолжи да служи како сидро на светската безбедност и противракетната одбрана? И одговорот е, очигледно, дека не го прават тоа. Тие инвестираа премалку во безбедноста. Тие не ја обезбедија областа баш добро.

Она што го слушам како го кажуваат постојано се враќа во минатото. Тие велат: се боревме заедно во Втората светска војна или во војната против тероризмот. И Тоа е тоа, благодарни. Сакаме да имаме такви сојузници. Но, фактот дека направивте нешто паметно пред 25 години не значи дека не можете да направите нешто глупаво денес.

Претседателот на Соединетите Американски Држави јасно става до знаење: не работите добро кога станува збор за Гренланд. „Ќе се погрижиме да ги заштитиме интересите на Америка и мислам дека претседателот е подготвен да оди колку што е потребно“, рече Венс.

Стратешката важност на Гренланд лежи во неговата локација помеѓу Северна Америка и Арктикот, што го прави идеален за системи за рано предупредување. САД ја имаат воената база Питуфик таму со децении, со повеќе од 100 трајно стационирани војници. Во последниве години, расте интересот за огромните природни ресурси на островот, вклучувајќи ретки метали, ураниум и железо, кои стануваат сè подостапни поради топењето на мразот.