Велика Британија ќе биде домаќин на меѓународен состанок на високо ниво за регионот на Западен Балкан во октомври, објави денес владата на Велика Британија.
Средбата ќе се одржи во замокот Хилсборо во близина на Белфаст и е дел од пошироките разговори што ги организира Велика Британија за зајакнување на отпорноста, справување со нерегуларната миграција и поттикнување на економскиот раст.
„Министерот за надворешни работи, Дејвид Лами, ќе им посака добредојде на над 15 европски министри во Белфаст од 8 октомври за да разговараат за промовирање на мирот, стабилноста и соработката во Западен Балкан, зајакнување на колективната безбедност на Европа“, се вели во соопштението на Министерството за надворешни работи на Велика Британија.
