Велика Британија испраќа помош во Белгија поради инцидентите со беспилотни летала

Велика Британија испраќа експерти и опрема во Белгија за да ѝ помогне да ги спречи инцидентите со неидентификувани беспилотни летала кои привремено ги затворија аеродромите, објави денес британската војска.

Бронтовите беа забележани над белгиските аеродроми и воени бази минатата недела, а во последните месеци беа видени и во други делови од Европа.

Ричард Најтон, шефот на британските вооружени сили, изјави за Би-Би-Си дека неговиот белгиски колега побарал помош од него и дека опремата и персоналот веќе се на пат.

„Секретарот за одбрана и јас се согласивме кон крајот на минатата недела дека ќе испратиме наши луѓе и опрема во Белгија за да помогнат“, рече Најтон, без да го открие бројот на експерти или каква технологија се испраќа.

Сомневања за хибридна војна
Шефот на британската војска нагласи дека сè уште не е познато кој стои зад беспилотните летала, но дека Русија имала шема на „хибридна војна“ во последните години.

Москва ги негира обвинувањата.

Дронови беа видени над аеродромите во Брисел и Лиеж, поради што многу летови беа пренасочени во вторник.

Во четврток, дроновите привремено ги затворија аеродромите во неколку земји, вклучувајќи ја и Шведска.

Германскиот министер за одбрана во петокот ги поврза неодамнешните инциденти со дронови во Белгија со дискусиите во таа земја за користење на замрзнатите руски средства за кредитирање на Украина, објави Ројтерс.