Актуелниот шампион на Шпанија, тимот на Барселона, новодно сака да го ангажира аргентинскиот дефанзивец Лисандро Мартинез, а клупските челници се убедени дека играчот би бил заинтересиран за трансфер на „Камп Ноу“ ова лето.
Каталонските гиганти ја следат ситуацијата во Манчестер Јунајтед, каде што Мартинез влегува во последната година од својот договор, што би можело да го олесни трансферот.
Иако неговиот тековен договор со Јунајтед има опција за продолжување за уште 12 месеци, каталонскиот клуб верува дека англискиот тим би можел да биде подготвен да седне на преговарачката маса.
Мартинез пристигна во Манчестер Јунајтед со големи очекувања, но неговото време во клубот не беше без проблеми.
Имено, аргентинскиот дефанзивец имаше неколку сериозни повреди кои го забавија неговиот развој и адаптацијата во Премиер лигата.
Поради овие повреди, Манчестер Јунајтед можеби ќе размисли двапати пред да му понуди нов долгорочен договор.
Барселона, според информациите од англиските медиуми, верува дека ситуацијата би можела да им оди во прилог.
Каталонците гледаат можност да ја зајакнат својата одбрана и да доведат играч кој веќе го докажа својот квалитет во европските натпреварувања.
Лисандро Мартинез е познат по својата одбранбена цврстина, тактичка интелигенција и способност да ја гради играта одзади. Неговиот стил на игра се вклопува во филозофијата на Барселона, која сака посед и контрола на темпото на играта.
Англиските медиуми објавуваат дека преговорите би можеле да започнат веднаш по завршувањето на сезоната. Во случај на трансфер, Мартинез би добил можност да игра во еден од најголемите клубови во светот и да го докаже својот квалитет на највисоко ниво.
ИЗДВОЕНИ
Борбата за плати е маратон, а не спринт – ќе излегуваме на улица се додека не ги зголемат
Обвинителството истражува поврзаност на запленетиот канабис, со марихуаната во Србија
Гаши: Пратениците утре сами ќе се снаоѓаат како да дојдат на работа, пеш или порано
Познати се термините кога македонските олимпијци ќе настапат на ЗОИ
