Најтрофејниот македонски ракометен клуб Вардар 1961 ја продолжува серијата без пораз на домашната сцена. „Црвено-црните“ славеа над ГРК Охрид (28:25) и го забележаа четиринаесеттиот триумф на четиринаесеттиот меч сезонава.
Во СРЦ „Билјанини Извори“ немаше место игла каде да падне, но Вардар не подлегна на притисокот. Со еден мирен и стабилен дуел дојде до нова победа над амбициозниот тим предводен од Борис Ројевиќ и се зацементира на врвот, па го чека исходот од второто дерби ова коло меѓу екипите на Еурофарм Пелистер и Алкалоид во Битола.
Кај Вардар, главн фигура беше бекот Дмитро Хориха, кој се покажа како енигма за одбраната на Борис Ројевиќ. Украинецот имаше шест гола во првиот дел, или скоро половина од оние на Вардар. Во вториот дел Вардар пак му избега на Охрид на 16:20 и не си дозволи луксуз. Највисоката предност на најтрофејниот македонски колектив беше токму четири гола.
Дмитро Хориха беше со осум гола беше најдобар во тимот на Вардар, пред Харуки Кавада со шест гола. Голманот Милош Валах фати осум топки. Кај Охрид, Стрмљан, Иванковиќ, Крсманчиќ и Ѓукиќ дадоа по пет гола.
