Утрото по ужасниот пожар донесе шокантни сцени од Славонска авенија – облакодерот Вјесник, некогаш еден од најпрепознатливите симболи на Загреб, изгледа опустошен. Изгорените подови сè уште тлеат, делови од фасадата висат и паѓаат, а чад повремено се крева од внатрешноста на изгорената зграда.
Пожарникарите сè уште се на местото на настанот, бидејќи се проценува дека гаснењето на пожарот ќе трае цел ден, пишува Нова.рс
„Ноќта беше пеколна: пожарот се ширеше низ вертикалната структура на зградата со неверојатна брзина, поради што интервенциите одвнатре се покажаа премногу ризични. Гореше на неколку места, што може да укажува на катастрофална грешка во инсталациите“, рече шефот на противпожарната служба Синиша Јембрих.
Градоначалникот Томислав Томашевиќ потврди дека штетата е практично целосна и рече дека нема повредени, но дека се очекува итна реакција од државата и другите сопственици за да се започне со реставрацијата на овој поранешен медиумски гигант.
Сепак, засега, облакодерот Вјесник стои како црна, изгорена силуета – нем сведок на една од најдраматичните ноќи во поновата историја на Загреб.
ИЗДВОЕНИ
Како почна? Сведоштво на очевидец кој прв го забележал и пријавил пожарот што ја проголта зградата „Вјесник“/ВИДЕО
Владата се реконструира, системските закони чекаат на мнозинство во Собранието: Бадентер го води орото за новиот владин состав?!
Дали со високи глоби ќе се опаметат трговците?
Албанија влезе во финале, Македонија чека на стартна позиција
