Шпанија се подготвува за топлотен бран на крајот на мај, а се прогнозира дека високиот притисок и тополиот и сув воздух од Северна Африка ќе донесат температури од пет до десет степени над просекот за тој период од годината.
Според метеоролозите, живата во јужните делови на Шпанија ќе достигне 40 степени Целзиусови, што е повеќе од десет степени над просекот, објави „Гардијан“.
-Последната недела од мај ќе следи период на високи температури во поголемиот дел од полуостровот, со температури кои вообичаено се забележуваат во средината на летото, особено од среда, изјави портпаролот на шпанскиот метеоролошки институт Аемет Рубен дел Кампо.
Според него најмногу ќе бидат погодени областите на југоисточна Шпанија, нејзиниот централен регион и долината Ебро на североистокот на земјата.
Топлотниот бран се прогнозира да трае најмалку до сабота кога атмосферската нестабилност може да донесе облачност и пониски температури.
ИЗДВОЕНИ
Истрагата за трагедијата во Пулс се затвора со распрашани 400 сведоци и околу 250 повредени
Македонија ни милиметар, Бугарија ни сантиметар – евроинтеграциите под кочница
Македонските производи стануваат поевтини и поконкурентни на странските пазари
Бугарскиот Парламент со апсолутно мнозинство одобри нова резолуција за напредокот на Македонија кон ЕУ
