Утре, во Кочани ќе се одржи нов „Марш за ангелите“ во организација на родителите на загинатите деца во пожарот во дискотеката „Пулс“.
Маршот ќе започне во 14:05 часот од Паркот на револуцијата во Кочани, со порака да се чекори „со љубов, со болка и со достоинство – во име на оние кои повеќе не можат да чекорат“.
„Нашата порака е јасна и искрена: За нашите деца. За вистинска правда. За Македонија со совест“, се наведува во повикот.
Родителите на загинатите и повредените, како и солидарни граѓани со месеци секоја сабота маршираат низ кочанските улици барајќи правда за најголемата трагедија во историјата на независна Македонија во која загинаа 63 лица, а над 200 се повредени а голем дел од нив се со трајни последици и инвалидитети.
Судскиот процес за овој случај започна минатата недела, а досега се одржаа две рочишта.
ИЗДВОЕНИ
„Ден без купување“ како противотров“ за „Црниот петок!“
Родилиштата тивки, статистиката алармантна: Бела чума ја пустоши Македонија, за девет месеци исчезнал еден град колку Дојран!
Аранжманите за Грција со „блек фрајдеј“ попусти одат како алва
Македонија ќе куртули од нафтена криза, продуктоводот ќе не направи регионален играч
